حال الاسر في يومي الخميس والجمعة ...

--------------------------------------------------------------------------------

حــآل ألآســر يــوم الخميـــس & الجمعـــه

الســلام عليكم ورحمة الله وبركااته
كيفكم..شخبآآركم...؟!

مابي اطـــول ...بدخل دووغــري للموضوع ...

حال الأسر السعوديه في يومين الخميس و الجمعه

بالبدايه نص رسايل جوالي من العصر

1-جب خبز

2_جب زبده

3_جب دريم ويب

4_جب وجب وجب وجب وووو.... إلخ
*وبعد العصر ينقلب البيت

-بزران فوق الثلاجه..

-بزران فوق الخزان..

-بزران تحت السياره..

سته يلعبون كوره وكل ما كسرو لمبه صاحــوآ (قزاز .. قزاز ..البسوا نعال )

-بزارين توهم يمشون كنهم بطاريق تلقاهم في كل مكان

*وكله كوم واذا جاك بزر يتفل

-تسلم عليه ..... يتفل
-تهاوشه ..... يتفل
-تطقه .... يتفل
-يروح لامه يصيح .... يتفل عليها

*ولا اذا جاك ثنين اخوان يتلاعنون

-الاول: يلعن ابوك..
-يرد الثاني :يلعن ابوك انت...
*ولا اذا شفت لك عيال متجمعين على مقطع جوال مع واحد منهم واذا شافوك .. ماتشوف الا غبارهم
( لا بوكم عيال دشيررر)

*واذا دخلت للبيت ..تبدأ استقبال الشكاوي

*اولاً المبزره

_شف هذا يطق

_تعال عقل ذا

_ويبدأ الحلف عاد... والله فلان وهاذا والله فلان (الحلف عادي عندهم)
*ثانيا الحريم

شف فلان تراه سوا كذا وكذا... والمسكين يقعد يصيح خايف..

ولا وحده من خلاتك ولا خواتك ولا عماتك تأكل ولدها
وهو ماوده ياكل وتقول تعال شفه ما ياكل...؟! (وانا وش دخل امي فيه كل ماكل في لعنه)
والابو جالس في المجلس وجادع الشماغ ويصايح حطــو العشاء..!!

وبعد العشاء..!!
رز في كل مكان في البيت

(حتى جيوبك تلقى فيها رز)
وبعد العشا خلاص يبدا الصراخ الامهات على عيالهم..
وين نعالك ابوك عند الباب..
وبعد مايلاقي نعاله ..
تبدأ سخافه البزران..

حبشه حبشه ودروان في الشارع ..
والابو ياولد وخر عن السيارات تعال اركب..
والمبزره شغاله حبشه وحبشه ...
وبكذا ينتهي يوم اليوم...

هههههههههههههههههههههههههههههههه تحياتي

حبشه حبشه ودروان في الشارع ..
والابو ياولد وخر عن السيارات تعال اركب..
والمبزره شغاله حبشه وحبشه ...
وبكذا ينتهي يوم اليوم...

فعلا هذا الي صاير في المجتمع السعووووووووووووودي

لا تغيييييييييييييييييييييييييييير ابدا

تسلم على الموضوع وعلى الطرح الرائع